上豪坊 (已結業)

系广百新翼十楼，坐直梯上去比较方便，可以直达，不过成日都要等lift，好多人，所以有时宁愿直接一层一层坐手扶梯上去算啦。环境几唔错嘅，而且系广百呢度租金应该唔便宜，所以价格亦都水涨船高啦。而且仲要收服务费啊，所以都几贵架。呢度算系无国界餐厅吧，好多菜系嘅菜式都可以搵到，好似酸菜鱼啦，铜盆蒸鸡啦，咖喱虾啦，真系各式其色，应有尽有啦。点左个招牌家乡碌鹅，呢个真系几正，不愧为招牌菜咯，好入味，肉质够口感，酱汁嘅调配亦都恰到好处，唔会太咸。铜盆蒸鸡都算系特色菜，味道几好，而且系蒸嘅，比较健康养生。红烧乳鸽亦都系好多人点嘅一道菜，价钱唔贵，烧得比较香口。