影片
以上资料只供参考，请与餐厅确认详情
之前有机会去林和中嘅TOKYO东京日本料理店学整寿司～～第一次整日本嘢，而且系寿司吖，觉得好好玩，符合我煮饭仔古灵精怪嘅原则，所以有机会来试下真系好开心～～讲翻行程先，朝早11点半开始，一共10个人，居然有一个男仔啊，好难得，哈哈～～提前左半个钟到，所以先系餐厅度参观一下，浓浓的日本feel。。。餐厅分开两部分，正中系类似大堂嘅格局，我地整寿司嘅地方就系呢度啦，有足够嘅空间～～餐厅有卡座同埋房间，中间的卡座用竹板隔住，有一个半私密嘅空间，适合三五知己畅叙。。。而侧边嘅卡座则是沙发型的，如果情侣来嘅话最好拣呢类型嘅座位。。。房间系榻榻米形式，完全日式啊，不过总觉得会坐得好累，所以我都系中意卡座多D～～除左座位布置，墙壁嘅画、玻璃柜嘅摆设、餐具等符号都充满左日本文化的独特气息，让客人置身于一种日式餐饮的氛围之中。。。言归正传，讲翻今日嘅主题――整sushi啦～～首先出场嘅系GM MR.罗，好nice。。。跟住落黎就正式开始，各就各位之后就轮到师傅出场啦――有请李师傅！同埋距嘅助理黄师傅，好耐心咁示范比我地T～～学嘅有四款寿司：1. 三文鱼小卷呢款应该系入门比学的基本寿司，材料有饭（专业的米+入适量的醋，时间关系，已经一早准备左一大盒），三文鱼（切成条状），紫菜，小竹席。由于呢D都系小case，所以由黄师傅示范：STEP1：拿一张紫菜，好似普通size嘅书咁上下大细，原来有分正反面架，粗糙一D嘅系反面，平滑D嘅系正面，粗糙面向上。。。STEP2：用手（戴好一次性手套）抓一旧饭团，大概系用拳头包住咁大啦，然后铺系紫菜上面，再向四周推开，唔好太用力吖，唔系嘅话D饭会压到好实，口感唔好。。。而且系最上面要留大概1cm嘅空位，咁样卷出来先会好T。。。STEP3：系饭嘅中间放三文鱼，形成“一”字形就ok啦。。。STEP4：重点来啦，就系卷寿司啦。。。T师傅整好似好容易，但系原来要讲究手法同技巧架。。。首先，用四只手指顶住D材料，然后拇指将竹席向上卷，卷到岩岩留翻1cm紫菜果个位置；跟住要用中指、无名指同尾指顶住卷好嘅位置，食指系上面轻轻压几下；之后将竹席稍稍向前推开，再卷一下，咁就ok啦。。。唔好卷大多次，师傅话咁样D饭会压得好实～～STEP5：刀先沾一下水，然后一分为二，再将修修边位。跟住平均分成六小块。STEP6: 上碟，摆造型。（用文字表述好似好复杂咁，好难讲清楚，呵呵）2. 加州卷呢款算系四款之中比较复杂嘅～～材料包括饭、紫菜、蟹籽、蟹柳、牛油果、蛋条。STEP1：放紫菜，同上面嘅第一步一样。STEP2: 拿饭团，因为系加州卷，所以要拿多D饭，比岩岩嘅多1/3以上，都系平铺系紫菜面，不过唔需要留1cm，反而系要超出1cm比较好～～STEP3: 整块翻转，紫菜系上面，然后放上蟹柳、牛油果同埋蛋条。STEP4: 好似第一款咁卷好寿司。STEP5：一分为二，之后沾上蟹籽。STEP6：按自己中意嘅形式来切块，浇上沙律酱（本来想用沙律酱整个心形架，不过隔离另一位师傅见我整好之后拔刀相助，好快咁帮我整左D沙律酱上去，呵呵）3. 三文鱼寿司其实就系回转寿司最普通嘅一款，又可以称为手握寿司吧～～材料好简单，就系饭+三文鱼。。。STEP1：右手拿饭团，好细一旧饭就ok啦。。STEP2：左手拿三文鱼片，将饭放系上面，用拇指压一压，再用食指同中指整一整饭嘅形状STEP3：翻转，用手再整下三文鱼，等距贴紧D～～师傅几十秒就可以finish啦。。。不过T起来简单，我起码都用左5min吖～～首先系饭量嘅把握，唔系太多就系太少，而且握嘅形状唔好T，李师傅后来教我，可以用左手手指与手掌之间嘅凹位来整，个型会好睇D，呵呵～～距仲帮我“修饰”左一下，好好人吖～～4. 吞拿鱼寿司我最中意吞拿鱼吖，呢款寿司嘅步骤唔系好复杂，不过看似简单嘅握寿司想整得好确实不易～～STEP1：拿饭团，好似话大概16－18g，当然，师傅一手拿起就知道大概分量，我左摞右度都唔知点先够或者算唔算多。握成大概四方柱型就最好啦。。。STEP2: 将紫菜条从寿司中间开始包，绕一圈。STEP3: 铺上吞拿鱼。STEP4: 涂上沙律酱，大功告成！整到1点几，正式结束今次嘅寿司之旅，因为食唔晒，仲打包左两盒走，呵呵～～
继续阅读
逛完宜家家私去稳也吃填肚子，这家东京日本料理装修真的好漂亮，感觉置身于日本。不过食物分量5大份，可能主打精美吧。刺身都是即点即整所以要等咯，三文鱼几肥美咯，不过自己5中意吃。鳗鱼5错，就系细块左，吃落口未咬块鳗鱼就溶左感，5多够吃咯，大块D会更好。而D面朋友话几5错，鳗鱼体落去好大块，好肥美，真后悔没点鳗鱼面，下次去一定要试下。
继续阅读
特价的雪花霜降肥牛窝98元，还算不错。昆布汤底真是鲜美得没话说，我只靠5碗汤撑饱了自己！三文鱼39元的话还OK,虽然是挪威三文鱼，不过刀工一般；装修一流，服务OK，天河地，该冠冕堂皇一些！胜价比不算很高.
继续阅读
第一次来系冲住佢个98蚊/位既特惠套餐来的！套餐有刺身，和牛，阿拉斯加蟹脚，鹅肝，香煎银鳕鱼等等。。。多到记不清，但大部分都是精品。觉得几超值。后来听讲话呢度出左自助餐，而且价钱唔贵，就再过来试下。寿司做得几好，但品种唔算多，试左拉面，觉得做得好一般。不推荐。另外铁板牛扒唔错。值得一试！但出品就肯定没有第一次那么精致了。总体还可以吧。
继续阅读
这家也是自助餐，在日本料理当中，这家自助餐的价格算是便宜的了。种类又丰富。寿司很好吃，还有天妇罗，虽然很少。但是味道真不是盖的。日式炸鸡味道也不错，鸡肉都是精选脆骨部份。 还有饭后甜点，冰淇林，有红豆，有抹茶，我选的红豆的，甜甜的，好好吃。
继续阅读