金玉满糖 (已結業)

上好多人转发微博啊，连报纸都有介绍，好巴闭咯，文明路上又多一间甜品店啦，不过附近嘅都系传统嘅糖水铺，呢度算系新式嘅潮品甜品店吧。里面嘅装修风格好80后feel，简约又别致，不过真系好细间，而且台与台之间就系一线之隔咁，好逼，唔系好舒服咯，倾计亦都唔方便。甜品嘅种类几多，而且老板比较用心整甜品，成日都有新尝试，创新甜品都算多。点左个榴莲千层同芒果肠粉，榴莲味比较重，食落去好香，D cream好滑，芒果肠粉就系椰汁卷包住芒果肉，依家好hit的甜品，不过觉得偏甜，一般般啦。