荷香居

營業中

休息中

荷香居好有名，系芳村都算系一间知名食肆啦。同事介绍嘅，坐地铁或者公交都ok，不过对于芳村唔系太熟悉，都系地铁方便D。环境几有田园feel，而且同荷香居呢个名好衬，都系有一种隐世嘅感觉。菜式嘅品种几多啊，特别推荐当然就系荔枝木烧鸡，基本上见到都系每围必点。烧鸡可以用皮脆肉嫩来形容，D皮系好甘脆，而且鸡肉嘅肉汁都可以锁住，唔会太dry，肉质亦都比较嫩滑，唔会好硬邦邦果种。仲有就系纸包骨，用纸包住，就好似盐焗鸡咁上下，跟住用砂锅煲装住，味道好够，好好味。跟住点多个凉瓜排骨煲，苦瓜同排骨嘅味道都几夹，不过都系会苦啊，呵呵。排骨几入味。总体来讲，呢度嘅环境同出品都系唔错嘅，值得一试啦。