吴财记面家

營業中

休息中

好早之前，就听讲过吴财记，不过去完之后，稍感失望，有D名大于实。位置其实唔难揾，黄沙地铁站出嚟，往上下九方向行几分钟就可以到，招牌好大好醒目。猪油捞，面嘅碱水味唔会好重，都算爽口嘅，不过好鸡肋——因为几乎可以讲成碟面都冇味！就算捞咗猪油，既感觉唔到猪油嘅香，亦冇任何味道，唔推荐。牛腩面，呢个仲算唔错，牛腩都算入味。不过汤底好一般，完全饮唔出大地鱼嘅味道，而且一D都唔香。油菜，就系生菜上面淋咗D牛腩汁，冇乜味，不过我食得比较淡，还可以接受。唯一推荐嘅，系个个都赞不绝口嘅炸云吞！云吞皮薄而脆，食落唔会有油腻嘅感觉，再配上酸酸嘅酱汁，好夹好正！店面分两边，一边系西关大屋改建嘅，不过一般都会坐满人。速度有D慢，而且服务态度真心一般。