吴财记面家

營業中

休息中

今日下午去咗吴财记食，3点半去到果度，点菜仲要排队嘅，落住雨，生意仲系咁好啊，果间老西关房子都已经坐满晒人喇，入都入唔到去，只好系靠住路边嘅台坐低咗。细雨一直打喺我身上，为咗等碗云吞面，值得喇，哈哈。等了20分钟终于有得食，衫都淋湿晒，店里面早就爆满晒，陆陆续续又嚟咗一批人，店里面贴着广州电视台嘅采访同推介。上面话金鱼尾云吞一定要试下咁话。碱水面有嚼劲，唔似出面嘅面软软咁，汤有啲香，咸得嚟有淡，淡得嚟有咸，唔知唔觉就饮晒成碗汤喇。有外国人专门嚟呢度影相，仲有啲系慕名前来嘅，如此一条简陋嘅巷仔，生意可以咁兴旺，真系唔简单啊。