新联肠粉店

營業中

休息中

听闻依道嘅肠粉好正，但太远唔多就脚一直都冇去试过。近排刚好去开附近，终于可以去试下系咪咁好食了。店面细小，好多人在门前排队，睇落帮衬嘅大部分系熟客来的。店员好有旧时国营店嘅风范，不过手脚麻利。要咗个鸳鸯肠，等咗20分钟才有得食，排队时睇下点做拉肠吧。同其他店有分别嘅系依道用只圆碟来装拉肠，肠粉真系好嫩好薄，食落好滑溜，确实系好正！鸳鸯就系猪肉和牛肉糜（唔中意整成肉片嘅），但可能系肉材唔新鲜，用太多腌料和粉制过，实在食唔出猪、牛肉的滋味，实在系大打折扣啊~见到啲生滚粥都唔错，有机会要试下。下次都系转食鸡蛋肠了，估计啲肉类都系麻麻地嘅。