文记壹心鸡

營業中

休息中

我有个系酒楼做嘢嘅朋友特别中意食中餐，准确D来讲系粤菜，可能因为做呢行，要周不时去其他食肆探下，取下经，试下味吧。呢间文记壹心鸡系距带我来嘅，仲极力推荐添，距话呢度嘅师傅就系当年清平鸡饭店嘅师傅之一，所以呢度嘅文记壹心鸡亦都系秉承左清平鸡嘅优良传统。因为得三个人，所以点左半只就算啦。鸡皮好爽脆，鸡肉好嫩滑，而且好入味，而且价钱都唔算贵，30几蚊半只，依家可能买一只光鸡都差唔多价钱啦。仲有值得一试嘅系红枣骨，系招牌菜之一，排骨嘅肉质都几嫩，而且好香，好好味，仲要配埋红枣，领到整碟菜更加滋补。