常满农庄

營業中

休息中

周末同朋友过左生物岛玩，经过朋友介绍黎左哩间常满农庄，哩间都比较偏下，附近就得佢一间店，不过都有唔少人黎食嘅。哩度出名系水蛇蒸鸡，不过我地两个绝对系食唔晒，所以就无食啦。附上路线图。夏天去农庄最大嘅坏处就系热！无空调！确实系几热下，有好多大风扇对住吹，先无甘热。服务员都有推荐我地试下佢地嘅招牌，然后送左几粒野俾我地食，佢话系汤圆。不过食起身甜甜地，软绵绵，似糯米糍多d，里面系花生馅，味道几好啊。热辣辣，黎个凉拌菜最适合啦。凉拌猪肚，见到配菜好多下，不过猪肚分量还可以接受啦，猪肚系腌过有味，味道几好，加埋佢d配菜一起食，口感唔错啊！好多人点哩个！推荐！30元。咸猪骨煲淋大芥菜，30元。分量可以，不过菜比较少啦，想食多d。汤味道唔错，几甜，芥菜唔苦。一流！碌鹅，58元1例。最后先上，分量可以。不过有d比较肥，底系南瓜，如果系番薯或者系芋头会好味好多。味道系几好，鹅嘅质地都唔错，如果唔肥就最好。感觉哩度上菜速度有d慢，坐左甘耐，隔离台催左好多次仲唔上菜。仲有就系哩度好多野咬啊，食完野，我地两个只脚都咬左几个包，请自备蚊怕水。