宴荟

營業中

休息中

朋友岩岩喜获麟儿，请左我地一帮朋友来宴荟食饭，沾沾BB的光啦，哈哈。宴荟系美国银行中心果栋楼，系门口直入，坐扶手梯上二楼嘅。占一层楼，地方占地面积唔算太大，不过环境唔错。全地毯，而且服务员笑容可掬，从上电梯开始就有人接待，全程微笑服务，好唔错。菜式嘅选择都几多，而且卖相好精致。不过价钱几贵下，我地七八个人，食左八九个菜左右啦，好似都几百啦，具体几钱就无问，不过应该唔会便宜咯。呢度嘅乳鸽好多人推荐，而且唔贵，皮脆肉嫩，好香口，好好味。椰汁炖血燕好滋润，而且呢个有特价，几抵啊。椰汁同官燕独立装开的，真系睇到官燕，而且咁大间店，应该唔担心距用假嘅，所以好放心咁食啦。蝴蝶骨几特别，完全系被个名吸引而点嘅，味道还不错，分量都ok。