海岛七号 (已結業)

好耐没团了，见到的菜式好似几有特色，米团左一个黎试下罗。店面虽然有两层，但地方比较细，不过装修得几有特色。先上饮品：香芒铁观音，冻饮，先闻到好香既芒果味，因为系铁观音做茶底，所以饮落唔会觉得甜，反而清香得黎仲会有的回甘既感觉，好好饮啊！黑糖生姜普洱茶，热饮，甜甜地，几大姜味，但可能系普洱茶既中和，唔会觉得辣。如果冬天饮，就最正了。两个汤，讲真，麻麻地，味道比较淡，尤其系果个牛肉汤，没咩肉味。三款春卷同柚子沙律拼埋一齐，三款唔同馅既春卷，味道各有不同，主要以素菜为主，有蛋黄馅，冬菇馅，加上柚子沙律，酸酸地，作为前菜，几开胃。不过可惜沙律里面加左辣椒粉，有少少抢味。咖喱鸡肉同烤鲷鱼，肉都好嫩，但都比较偏向辣味。熏鸭胸，里面的肉仲系粉红色既，火候岩岩好，加上少少蜜糖点缀，正。虾膏饭同鸡粉，味道一般，不过不失。甜品时间到了，都系迷你装既，一冻一热，蛋糕没咩杏仁味，但几松软；提拉米苏，几滑，个杯几Q，真系想打包走。