影片
更多
2010-11-04
15 瀏覽
呢一日同某Jack去扫街,,扫完加加牛杂之后,,忽然好想食炖品,, 谂起距屋K果边果间炖品皇,,就想去试下喇.. 因为某Jack一直都好推崇呢一间店,,仲觉得距应该比达扬高分,, 再加上DAISY同GG都系某Jack介绍下去试过,,仲评价都几高添..所以,,点都要去捧下场架.. 其实之前都经过呢度,,亦都比呢度个门面吸引过..因为斋睇门口,,真系好有80年代我细个果阵D铺头既FEEL啊..大大一副餐牌挂系收银台隔离,,睇到距D品种多到你头晕啊..哈哈..不过我以为我有影到,,原来我无影到呢张牌,, 哈哈..唔紧要喇..大家睇某Jack D相喇..距应该有影到.. 呢度都有原只椰
谂起距屋K果边果间炖品皇,,就想去试下喇..
因为某Jack一直都好推崇呢一间店,,仲觉得距应该比达扬高分,,
再加上DAISY同GG都系某Jack介绍下去试过,,仲评价都几高添..
所以,,点都要去捧下场架..
其实之前都经过呢度,,亦都比呢度个门面吸引过..
因为斋睇门口,,真系好有80年代我细个果阵D铺头既FEEL啊..
大大一副餐牌挂系收银台隔离,,睇到距D品种多到你头晕啊..哈哈..
不过我以为我有影到,,原来我无影到呢张牌,,
哈哈..唔紧要喇..大家睇某Jack D相喇..距应该有影到..
呢度都有原只椰子炖竹丝鸡..本来都想点呢个试下架..
不过因为心情既原因,,最终都系无点到呢个..哈哈..食野真系要睇心情架..
补充一点,,呢度既原只椰子炖竹丝鸡卖15蚊..比达扬贵..
而我就要左花旗参炖竹丝鸡..
刚坐落,,服务员姐姐就揸住个炖盅紧随我地既步伐黎到面前喇..
真系神速啊..
不过据某Jack介绍,,呢度系饭市既时候系好多人,,超多人架..
饭市时候你想要呢种速度呢种环境呢种服务简直就系妄想啊..
咩环境甘巴闭??
人少咯,,阔落咯,,唔似安乐甘灰灰暗暗,,唔似勉记甘人多逼夹咯..
我仲特登拣左个有风扇吹到既地方..
一边吹住凉飕飕既生风,,一边食热辣辣既炖品..
哇..正..
讲翻味道先喇..
一上黎就FEEL到一阵阵混杂住花旗参味既热气扑面而来..马上觉得好醒神喇..
不过参味呢样野,,有D人好中意,,有D人就真系一闻到就想呕..
我以前系宿舍食康XX既花旗参砘鸡即食面,,我室友单单闻到阵味就已经冲左去洗手间呕到七彩甘了..
所以,,食炖品都系要稳个接受到参味或者其他药材味既人陪你去先得..
鸡肉炖到好嫩,,一咬就溶开了..[当然,,鸡胸果部分除外..]
花旗参可以见到一粒粒好大粒既参头..
其他地方食到既花旗参炖竹丝鸡一般都系比参片落去吊下味..
边会好似呢度甘好似唔洗钱甘落甘多比你吖..
而且呢盅野只有三种食材,,就系花旗参,,竹丝鸡,,同埋几片姜片喇..
食完一盅绝对有饱到满足,,饱到幸福既感觉,,
加多一句,,呢度D炖品真系非常热辣辣..
Jack话,,其他地方,,包括达X D炖品都系唔够热既..
食完呢度之后,,我都觉得系..哈哈..
服务方面,,由于无点同服务员姐姐接触,,
距地比我既画面就单单系好神速甘揸碗炖盅比我地..
所以,,感觉还OK..
不过可惜呢度唔系我屋K附近,,
如果唔系,,我有可能日日都帮衬一盅,,直到我试晒所有味道为止..
下次有机会经过呢边,,会继续尝试..哈哈..
張貼