便所欢乐主题餐厅 (已結業)

无意间係地王行完街见到有间便所欢乐主题餐厅，啱我风格喔，一于去试试探过究竟~！门面就已经好大个男女嘅厕所公仔，里面不得了，全部都係马桶做座位，台面透明玻璃下面就洗手盆。厚厚马桶咖喱猪排饭、日式海鲜汤拉面、黄金便便条、芒果奶昔、伊丽莎白蜜桃茶~！连饭名都係关于厕所，果然重口味~！日式海鲜拉面，用个类似马桶碗嚟装住，海鲜有虾、鱿鱼青口、蟹柳同卤水蛋，D拉面都几爽汤底都唔错~！厚厚马桶咖喱猪排饭，咖喱味道都几浓，猪扒炸过外表松脆肉质都几滑嫩。黄金便便条，望上去真係好似便便，冇记错里面好似係香蕉，外面加咗炸粉炸得金黄。