仑头海鲜城

營業中

休息中

系仑头边边噶位置，距离住宅区有d远噶，所以自驾车比较适合佢。有室内同室外噶位置选择，多数d人都中意坐系室外噶，因为有海风，有景睇，对面就系官洲岛啦。吹住d风好写意。 坐低之后，跟住部长去点海鲜，哩度话明系海鲜城，梗系要食海鲜啦。点左濑尿虾、桂花鱼、带子、海螺~~~ 另外点左d粤菜甘样。濑尿虾要左清蒸，味道几鲜下噶，不过我就中意椒盐濑尿虾够晒惹味啊嘛。桂花鱼，好食，蒸得岩岩好，好滑啊！盐焗海螺，哩个唔错哦，仲准备好d竹签俾你，d螺肉已经入晒味，好食啊！另外哩度有当地噶村民系度售卖佢地当地噶水果，杨桃啊，木瓜等等，值得尝试一下噶。