普天缘素食 (已結業)

梅子素愉，好好听的一道菜名，但卖相就唔多掂当了，一条好假的鱼，哈哈，用紫菜扮鱼皮，里面的“鱼肉”都系豆制品，鱼眼仲搞笑，系车厘子，略试一下，味道一般。雪里红炒时蔬，最正常的一道菜啦，哈哈，菜心好甜，感觉呢个先可以称得上系真正的素菜啊。最好食同最清淡就系呢个啦。碳烧卤玉，相当神奇，用豆制品同魔芋粉居然可以做出肥瘦不同的肉的质感的效果，而且隐约之间仲有五花腩的感觉，真系嘴巴同眼睛都比距呃到吖。香荔酥卷，真身系炸芋头卷，师傅刀工了得，芋卷造型都好靓。芋头好粉，都几好食架。酸辣水饺，比较少见新颖的饺子做法，汤的感觉好似加左重辣椒的罗宋汤，酸酸辣辣的感觉令到饺子食起身一D都唔滞，不过饺子皮太过厚重了，所以都系一只起两只止。