淇乐多菜馆

營業中

休息中

上次朋友带我们一起去万国广场玩的时候，晚上在这里吃宵夜，上面还有个露天的地方，特别适合晚上吃宵夜的时候，一起聊聊天之类的，环境一般，可能跟外面大排档差不多，牛肉丸做的不错，很适合放在火锅里煮。总体来说还不错。

寻日同学聚会去左呢间，系2楼，感觉可以，唔会坐得太逼，而且服务员都比较热情，随传随到。上菜速度够快，落左单10分钟以内已经开始上菜，都系点D例牌野，美极，蒸爽丸，叉，鳝煲，都几好味。我地提前打电话去BOOK位，所以唔使等位。

之前成日经过，但系都无入去，因为依边食市真系好多，而且之前好似都系做火锅嘅，今次去食，觉得环境都5错，一共2层般，楼下同夹层都好似好逼咁，所以就上左天棚，天棚就真系几好，有嘅大银幕，如果夜晚来睇波宵夜应该5错，出品就都几好，就系上菜有d慢，要催囖~

讲开好笑，其实以前次次搭88路车经过都会见到呢间店，果时成日会谂，点解叫“淇乐多”咁搞笑，以前好似有样玩具定唔知乜嘢叫“奇乐多”定“培乐多”~~所以之前我一直觉得距好有意思~~有次终于有机会试下啦，算系粤菜馆？好多小炒菜式~~特别系夜宵，超级无敌旺场，可能呢度附近有K场，又靠近市二宫啦~~手打牛肉丸系招牌主打，系网上见到唔少人推荐，所以就点左试下~~都算名不虚传啊，对得住个名，哈哈~~

江南西附近食肆都好多，呢间都系朋友介绍，上次同成班朋友玩完翻黎捻住吃个宵夜就黎左呢间~~我地坐左两围枱，但一张有转盘，一张无，于是我地系点菜前已经叫距罗多个比我地，个服务员满口应承，但到上左几盘菜都未罗黎，夹菜太远啦，真系超级唔方便，我地又再催左好几次，个朋友嬲得制闹距，距先罗黎，中要将我地D菜放系叠台布上面，好靠近地面的，超级唔干净啊，嬲距距唔彩你，真系超差态度，以后唔帮衬！！！

响市二宫哩边食肆都算系比较多噶啦...不过屋企人就系中意来哩间...其实以前哩间野真系好差噶...环境及其恶劣...不过重新装修过之后就好左好多咯...无论系环境定系食物...都完全升左1个档次...价钱方面还算OK啦...基本噶粤菜哩度都会有咯...

淇乐多应该开左都好长时间了，一直无机会去试~系我印象中一直以为系打边炉的~因为距都系叫火锅城~点知原来有炒菜，仲要生意甘好噶添~上星期，同埋屋企人出来食饭，真系少有，毕竟住天河，好少过来河南呢边食饭~5个人，屋企人一早去攞定位，自己就落班马上过去，估唔到生意几火爆下~之前见网上推荐肉丸，所以就要左一份试试~招牌双丸，一笼12粒，6粒牛肉丸，6粒猪肉丸。都系大大粒，本人比较爱猪肉丸，稍微爽口一D~牛肉丸味道都唔错，呢个招牌蒸双丸，真系唔错唔错，值得推荐啊~炒左个蒜蓉芥兰苗，又唔错喔，有锅气，D菜上台好青绿，新鲜啊~茶树菇炒牛柳，碟头大，材料新鲜，个个都话呢个送唔错~仲蒸左4只带子，5蚊只，呢个就稍微差左DD了，味道唔够，比较淡。仲炒左个唔知咩豆炒牛柳粒，睇来家人好爱食牛了~肉好爽，几好送饭~虽然唔知每个送具体几钱，但埋单总共125，感觉几抵啊，人均先系25蚊，食饱饱，呢度感觉似大排档，但上台噶送都见得下人，味道仲几好添~所以觉得好抵~下次会再来~ 听讲呢度宵夜仲旺人啊~