我自问无某Jack甘好记忆力,,可以将N年前既味道记忆犹新..
我自问亦都无拿铁哥甘有才,,可以将D点评手到拿来想点写就点写..
所以,,我只可以记得几多就写几多喇..
以前就追求数量,,中期就追求对人地有无帮助,,
到左依家,,我只系为左留低自己食过野既记忆..
哈哈,,因为小敏既记性真系好差好差..
讲完一大堆废话之后,,我地黎睇翻呢一间店..
今日中午某Jack忽然Date我去食面,,理由好简单,,
就系老Cat推荐呢一间面店..
我依稀记得老Cat有系部落里面发过帖介绍..
所以,,即使当时好饱,,[刚食完饭吖嘛..]我都系应约前往..
去到市中医院落车,,行到去地铁站Join阿Jack..
唉..果段路只要你行一行你就会永世难忘了..
点讲呢??人多,,货多,,手推车仔多,,
老Cat一定无行过呢度吧??因为离远就已经闻到一大阵药材味了..
我相信你一见到呢个阵势一定马上掉转猫头就走人,,哈哈..兜路去..
经过一轮药材熏陶后都算了..
仲要经过一轮暴晒..虽然系冬天,,但系今日天气有几热大家知道..
唉,,去到天桥底仲要有好多流浪汉留低既排泄味道..
难怪某Jack见到我既时候我个样已经呆呆滞滞了..
呢D简直就系非人既经历,,哈哈..
会合之后再兜兜转转一轮..终于系大同路既某一个路口转入去稳到吴财记了..
虽然路程艰辛难忘,,不过如果依家要我再去稳多次,,我都系稳唔到既,,哈哈..
因为我一直都系跟住领导前进,,自己无睇路牌,,无留意路线,,哈哈..
坐低之后马上周围望睇下有咩好食先..
既然老CAT推荐牛腩,,猪手同云吞,,甘就要呢三样野喇..
本来我睇岩一个"河虾金鱼尾式云吞捞面"架..
可惜被告知未有呢个出品,,所以都系顺从领导安排喇..
要左一碗净云吞,,一份牛腩加猪手捞面..埋单15蚊..
其实捞面本来就系牛腩捞面,,不过某Jack又再出动距果条三寸不烂之舌..
哄到老板娘应承加几件猪手比我地..
唔好意思,,呢个情景又令我谂起牛羊杂汤..哈哈..
可能老板娘见我地离远就已经揸住部相机狂影相既原因挂,,哈哈..
牛腩整得比较淋身,,但咬落口比较痴牙,,不过腩汁好浓好好味..
猪手汁料应该同牛腩一样,,因为我无食到,,所以无意见..
面就好干身,,可能捞面都系甘既吧,,因为会送汤吖嘛..
不过就真系一D水份都无,,好似摆左好耐甘咯..捞左D汁就变得好食好多喇..
随捞面附送既汤有好浓郁既虾干味..可能附近系做海味既关系吧..
落料饮得出好重手,,即使多饮都唔会觉得口渴..
最离奇既就系呢度既捞面有好多生菜铺底啊..
我谂都有6-8条吧,,而且多数都系近中间心部既位置,,
食上口好鲜嫩好爽脆..真系好正啊..D生菜..
净云吞目测大概有15粒左右喇,,无认真数过..
皮薄馅多,,同福建果种包法相似..哈哈..
不过店面大大只字写住"港式云吞"..
不过就唔知呢种系港式定福建式喇..
汤就系以虾干汤为底,,再加D韭黄熬成..好饮..
服务方面,,见老板娘甘好人既关系,,觉得距地服务都几好啊,,
而且呢度应该系以街坊生意为主,,应该会几有人情味..
虽然我系食野既过程中未见到有街坊黎帮衬..
[之前黎左两个,,不过MS同店家都无咩交流..]
环境方面,,唔好睇距地段选址甘偏僻,,距又几干净Wor..
仲有部电视系度播放紧《真情》添,,哈哈..
而且呢度附近就系一中了,,我谂饭市时间应该都有好多学生仔黎帮衬挂..
走既时候好满足,,都不枉我地稳左距甘耐..哈哈..
影片
