影片
更多
2013-10-09
53 浏览
四海一品临江而立，周边环境相当唔错，食完饭喺道散步几舒适。而内部装修果然系富丽堂皇，带有东南亚风味，大堂确实相当之大，天花至少两层楼高，够气派嘅~都好多人来饮茶食饭，炒菜嘅价钱唔便，饮茶嘅就相对亲民些少，茶点都唔少选择，我地点咗几样茶点，猪仔包、菜心粒猪红粥、鲜虾春卷、药膳浸凤爪、布拉粗粮肠、鲜虾春卷肠、甘笋流沙包。猪仔包~依家几乎间间餐厅都兴将莲蓉包或豆沙包整成可爱嘅猪仔样，依道唔例外，莲蓉馅，甜度适中，包够松软，最特别嘅系猪耳猪鼻都系方形嘅，哈哈！菜心粒猪红粥~料都几多，猪红够滑溜，粥够绵滑，菜心粒切得够细，味道唔错嘅。鲜虾春卷~春卷皮非常酥脆香口，馅料饱满味道很好，虾仁新鲜爽口，冇过度泡发~是我至今食过最好食嘅春卷！药膳浸凤爪~凤爪肉多，皮几爽滑，整得几入味，连骨头都带味，有些微药材味，咸度适中~布拉粗粮肠~几特别的肠粉，里面馅料系粗粮，肠粉几滑，粗粮嘛其实主要系玉米粒为主，味道还可以。鲜虾春卷肠~又系比较特别的做法，应该系借鉴炸面肠，改成肠粉包春卷~春卷相当酥脆，馅料好好味，肠粉够滑，好正！放耐啲春卷都依然咁酥脆！甘笋流沙包~听闻依样包点几多人赞嘅，食落确实包好松软，馅料甘香，
都好多人来饮茶食饭，炒菜嘅价钱唔便，饮茶嘅就相对亲民些少，茶点都唔少选择，我地点咗几样茶点，猪仔包、菜心粒猪红粥、鲜虾春卷、药膳浸凤爪、布拉粗粮肠、鲜虾春卷肠、甘笋流沙包。
猪仔包~依家几乎间间餐厅都兴将莲蓉包或豆沙包整成可爱嘅猪仔样，依道唔例外，莲蓉馅，甜度适中，包够松软，最特别嘅系猪耳猪鼻都系方形嘅，哈哈！
菜心粒猪红粥~料都几多，猪红够滑溜，粥够绵滑，菜心粒切得够细，味道唔错嘅。
鲜虾春卷~春卷皮非常酥脆香口，馅料饱满味道很好，虾仁新鲜爽口，冇过度泡发~是我至今食过最好食嘅春卷！
药膳浸凤爪~凤爪肉多，皮几爽滑，整得几入味，连骨头都带味，有些微药材味，咸度适中~
布拉粗粮肠~几特别的肠粉，里面馅料系粗粮，肠粉几滑，粗粮嘛其实主要系玉米粒为主，味道还可以。
鲜虾春卷肠~又系比较特别的做法，应该系借鉴炸面肠，改成肠粉包春卷~春卷相当酥脆，馅料好好味，肠粉够滑，好正！放耐啲春卷都依然咁酥脆！
甘笋流沙包~听闻依样包点几多人赞嘅，食落确实包好松软，馅料甘香，甜度适中而不腻，几好食~
今次嘅茶点食得好满意，好几样出品水准都唔错，尤其值得推荐嘅系春卷，真系食过返寻味啊！张贴
