海岛七号 (已結業)

睇完《海角七号》果部电影，总系成日将呢间“海岛七号”误读为“海角七号”嘅，无办法啦，两者实在太相似啦，只系一字之差。呢间海岛七号嘅环境都几ok，算系有主题feel，见到网上有团购，于是就同F一齐过来试下啦。团餐包括嘅嘢都几多，不过都唔算得上好便宜啊，计落觉得其实同系出面食个普通嘅正价点餐饭差唔多啦，不过志在尝试下嘅姐。厨房系开放式果种，不过真系好开放架，连玻璃都无，所以D油烟会整到成个用餐区一团糟，空气麻麻地。印象比较深嘅就系几样野，首先系海鲜汤，味道还过得去啦，酸酸地咁嘅口味，少辣。跟住就系主菜啦，比较中意就系泰皇咖喱鸡同烤鲷鱼，咖喱鸡都几入味，咖喱都算调配得唔错。仲有就系鸡肉卷，鸡肉唔多，蔬菜比肉类多，鉴定完毕。仲有果个烟熏鸭我就唔多中意啦，分量亦都唔多嘅。甜品方面好普通，无惊喜。