便所餐厅 (已結業)

上次朋友请去地王广场个间我冇去，今次话去时尚天河呢间新开噶系都拖住我去，讲真啦，唔想去主要就系心理接受唔到咁样形式噶餐厅，觉得好核突！但盛情难却今次都系去咗。 成间餐厅装饰到真噶好似洗手间咁样，墙上边仲挂埋D衫裤，虽然几干净，到处有光闪闪噶感觉，但仲系会有D讲唔清噶错觉产生。 坐噶凳，哦！唔系！系马桶，呢度噶凳都系马桶噶造型，台面系用尿斗勾住噶。下面话食噶嘢。马桶5号，其实就系朱古力雪糕，但整到果形状好似一督屎咁，味道就系一般噶雪糕来噶，并无咩特别。丝袜奶茶系用男厕所先有噶尿斗形杯装住，真系似模似样，咁样一杯18蚊一杯，奶茶味道比较淡味，呢个我饮唔落。鸡米花 同奶油意粉都系用“屎坑”装住噶，鸡米花几酥脆，奶油意粉好彩加咗烟肉同蘑菇，粉都冇咩味噶。成个餐食到老友话几得意，但我都系觉得怪怪地，咁样噶饮食文化睇来我咁样传统噶人系第一次都系最后一次。