大同酒家 (已結業)

前排系某论坛上睇到有人发帖回顾系大同酒家嘅饭局，睇到D图片已经好怀念啦，于是就同阿爸阿妈旧地重游，来呢度重温一下。其实，更多嘅都系食一种回忆的味道，讲真，环境就一般啦，而且依家广州食肆林立，推陈出新，基本上装修富丽堂皇，品种任君选择，价钱亦都丰俭由人。大同呢度真系面临好激烈嘅竞争，想要站稳阵脚，除左需要街坊们的撑场，仲需要开拓新客源。南乳香酥肉真系好正，虽然平时怕肥，好少食肥肉，不过呢度嘅香酥肉做得唔错，而且有传统嘅味道，所以送饭系比较正嘅。仲有就系蛋挞，每次必点，虽然依家好多店嘅酥皮松化好多，但系始终比较怀念呢度蛋挞嘅味道，可能回忆嘅味道比较重要吧。