影片
更多
2012-02-19
23 浏览
情人节当晚去灭团嘅！感觉还可以啦， 99蚊有13样嘢啦！！但唔好睇有咁多嘢食， 其实分量都比较精致， 但又唔至于少到食唔饱嘅！2个人食系刚刚好~餐厅的确几难搵， 所以事先上网查好路线， 发现其实富力盈丰唔算好难搵， 但去到大厦下面都发现有好多餐厅， 真系要兜一个圈先搵到呢间店咯~~ 由于系情人节当晚去嘅， 所以非常多人， 亦都很嘈吵！ 不过商家嘅服务唔错， 首先会为当晚环境唔够安静同埋d台比较窄而道歉，期间服务亦都好到位，所以估计平时去的话， 系唔错嘅~~逐一点评下菜式啦！缤纷海鲜柚子沙拉+彩虹春卷拼盘——团购页面系分开2碟嘅， 而我食嘅时候， 系拼埋一齐嘅！沙律味道唔错， 用柚子嚟做沙律， 好清新！ 而春卷就系有蛋果款几好食， 其他2款都麻麻地！翻到黎上团购发现，原来食物卖相同团购网站嘅图片差好远，团购网嘅沙律系有好多三文鱼同其他水果， 而实物系无嘅！ 然后就系春卷，团购图片介绍系米纸卷， 而食物系用肠粉皮来卷嘅~~ 冬阴功汤——又系同团购图片相差好远， 根本无虾！ 就只有2片冬菇...味道都唔正宗， 无香茅味，就系有d酸辣，呛喉河内牛肉汤——呢个都有几多蛋丝， 勉强有一片得肥肉嘅肥
餐厅的确几难搵， 所以事先上网查好路线， 发现其实富力盈丰唔算好难搵， 但去到大厦下面都发现有好多餐厅， 真系要兜一个圈先搵到呢间店咯~~ 由于系情人节当晚去嘅， 所以非常多人， 亦都很嘈吵！ 不过商家嘅服务唔错， 首先会为当晚环境唔够安静同埋d台比较窄而道歉，期间服务亦都好到位，所以估计平时去的话， 系唔错嘅~~
逐一点评下菜式啦！
缤纷海鲜柚子沙拉+彩虹春卷拼盘——团购页面系分开2碟嘅， 而我食嘅时候， 系拼埋一齐嘅！沙律味道唔错， 用柚子嚟做沙律， 好清新！ 而春卷就系有蛋果款几好食， 其他2款都麻麻地！翻到黎上团购发现，原来食物卖相同团购网站嘅图片差好远，团购网嘅沙律系有好多三文鱼同其他水果， 而实物系无嘅！ 然后就系春卷，团购图片介绍系米纸卷， 而食物系用肠粉皮来卷嘅~~
冬阴功汤——又系同团购图片相差好远， 根本无虾！ 就只有2片冬菇...味道都唔正宗， 无香茅味，就系有d酸辣，呛喉河内牛肉汤——呢个都有几多蛋丝， 勉强有一片得肥肉嘅肥牛咯~~ 味道同阵间上菜果个河内鸡粉系一样嘅！ 所以我觉得无必要将呢个作为另外一碗汤咯~~
印尼虾膏鸡丝炒饭——味道唔错， 有dd辣，唔食辣嘅人都可以接受嘅果种辣~~米饭似寿司米多过泰国米~呵呵！ 肉嘛， 好似有2-3块吧， 鸡肉的确唔系鸡丝状，系随意嘅鸡肉片状~~ 分量大概系出面酒楼饭碗嘅一碗半左右
曼谷烤烟熏鸭胸——呢个味道很好！！ 虽然系一大只碟， 就只有那么4片肉， 不过味道的确整得唔错！配嘅酱汁甜甜地， 几好味！
魔鬼辣酱烤鱼——又系一道辣嘅菜，又系一大只碟， 大概3-4小块， 呢个鱼整得唔错， 煎到金黄色， 好香，外脆内嫩， 无乜骨， 好似食紧龙利柳咁~~
河内鸡粉——味道同芽庄果个差唔多吧，清淡为主， 几多蛋丝同菜！鸡肉有3-4块咁啦~~
经典泰皇咖喱鸡肉——最辣就系呢一道啦， 咖喱里面嘅姜味非常劲！ 都系一大只碟，得女仔手掌心大小吧！鸡肉应该系鸡腿肉，几滑！可惜太辣咯~~而且食得差唔多饱， 所以最后好似食唔晒！
香芒铁观音——呢个卖相同味道都唔错！ 杯嘅造型几特别， 味道几清新， 推荐试试！
黑糖生姜普洱茶——可能本人唔中意饮普洱茶，而且上来黑蒙蒙一杯， 觉得非常似苦药..所以对呢个饮品觉得一般般！
甜品——七号提拉米苏+烤杏仁蛋糕， 呢2个甜品卖相都唔错！ 但食落口就觉得嘛嘛地， 因为太甜啦， 特别系个提拉米苏， 好腻口！ 可能系芝士重咗的吧~~ 总体黎讲， 如果唔系团购网嘅图片太夸张的话， 呢个团购其实几好嘅！ 味道同服务都可以~~正价嘅价钱有d虚高， 团购一试无妨！
张贴
