葡京茶餐厅 (已結業)

下午茶時段去,叫咗2個set,豬扒包配凍奶茶,葡撻(2個)配紅豆冰沙,咖喱牛腩 凍奶茶系朋友點,佢話ok,所謂嘅紅豆冰沙其實系紅豆+碎冰+花奶+冰水,花奶份量俾得唔夠,導致入口唔夠香濃幼滑,所幸紅豆夠多夠甜亦算淋,奶水甜度亦啱啱好.葡撻,一個白色一個黃色,兩者甜度適中,白色應該系蛋白,味道俾黃色清d,食多個都唔會太漏,黃色系蛋黃,蛋味比較濃郁,一個起兩個止好了.豬扒包,包面系脆,灑有白色粉末,入面軟身,中間夾住豬扒同洋蔥,豬扒都幾大塊,比個包仲要大,加埋洋蔥一齊食減少份油膩感,洋蔥唔會搶咗豬扒嘅味,只有少少洋蔥香,怕洋蔥嘅朋友應該都會接受到,最後系咖喱牛腩,系配一個包,個包好硬,望落去應該系統豬扒包個包同一款,點咗咖喱汁令到其軟身同有咖喱味,食落口別有一番滋味,牛腩份量都算可以,配菜有薯仔同紅蘿蔔,平時紅蘿蔔有陣味我唔太中意,但呢度整得夠淋同夠入味,有咖喱味之餘仲帶翻出紅蘿蔔本身嘅甜,薯仔都入味,配咖喱絕配喇,牛腩淋得離有咬口,唔會一入口就化曬連咬都冇得咬,咖喱味濃郁,有少少辣,頗為惹味,用汁離撈飯都系一個享受 環境幾大,人流好少,由入去到走都