五代同糖 (已結業)

呢间五代同糖系正佳嘅新店，行开天河呢边嘅时候无意中发现嘅，比起惠福路果间，呢度舒服D咯，觉得果边太细啦。见到各式各样嘅甜品真系好开心，又选择困难症啦，其实觉得芒果肠粉真系好好味，滑滑溜溜又甜滋滋，不过上次试过，又想试下其他嘢。今次点左心太软配冰淇淋，差唔多50大洋啊，其实都唔算便宜，不过真系好想试下朱古力岩浆融化嘅感觉，真系好正，软滑香甜，好sweet。其他仲有榴莲飘香都好味，25蚊，一碗里面装有椰奶、西米同埋西柚丝，当然就系唔少得主角榴莲啦，味道一流，不过价钱亦都系中上啦，分量都唔系好多。