影片
以上资料只供参考，请与餐厅确认详情
周末中午嚟到呢间汉明小食店相当多人，因为本身店铺店面唔大，所以座位都摆到行人道嘅加位嘞。可能由于客人比较多，所以拉肠等嘅时间比较长。试咗一下牛腩拉肠，其实系拉肠上面放牛腩，开始仲以为系拉肠包住牛腩添。不过呢种食法都几好味，有D似牛腩猪肠粉，但拉肠嘅质地更加香滑，吸收咗腩汁之后，真系相当惹味。
继续阅读
周日中午去到，发现呢间汉明小食店真系好多人帮衬，除咗店面以外，台凳都已经摆到出去行人道上嘞。点餐同上餐都算快，但清洁台面嘅员工就好随便，抹过嘅台面都仲系好污遭。点咗一份牛肉拉肠，拉肠嘅质地好香滑，酱汁甜甜地，好香口；干炒肉河就炒得好干身，味道够响，不过有D炒燶咗；猪红粥里面嘅猪红够多，分量足，5蚊1碗，性价比都几高。
继续阅读
呢间汉明小食店响龙津西路其实一D都唔起眼，装修有D旧，环境卫生一般。睇咗网上介绍话呢到嘅拉肠好味，所以特登嚟试试。周六晚上大概六点半去到，小食店里面居然无其他客人，无想象中嘅排队等位情况。点咗一份牛肉拉肠同油菜。牛肉拉肠唔算贵，6蚊一碟，里面嘅牛肉都几多，拉肠质地的确好爽滑；油菜稍为有D贵，7蚊，但分量都够足，菜够新鲜。
继续阅读
都系做吓粥粉之类的小吃啦，人气都唔差，基本过来帮衬的都系附近的街坊多。瘦肉肠，拉得都几薄吓，吃落都够爽滑，而里面的瘦肉都几多，依然都系嫩滑的，酱汁的味道偏甜，所以我就唔多中意；艇仔粥，分量还可以，配料唔算多，粥底系几香绵，不过吃落无乜鲜味，粥的味道寡咗D咯，似乎味道调得未够好。
继续阅读
汉明小食店，间店就系龙津西路果边，我成日都会去吃噶店之一，间店都几历史悠久的。间店分量多而且够抵吃。点左个爽滑肠粉吃，D肠粉都系用铁板拉出黎的，吃落去几顺滑，中间包左几多青菜同肉类的。D肉够滑而且嫩嫩的。D酱汁都唔会好咸。吃落去咸中带甜。价钱大概10蚊左右。
继续阅读