影片
以上资料只供参考，请与餐厅确认详情
招牌菜
由於好朋友喺佛山有個展覽，所以我們約埋一班朋友一齊去捧場，而我們就比較早到先，所以好朋友就帶咗我們去呢間喺祖廟路岭南天地嘅「吳系茶餐廳」食中午飯！一開始諗緊叫咩嚟食嗰陣發現，他們嘅款式種類真係超多，有粥、飯、小炒等等等等⋯⋯而我們就叫咗菠蘿包，一上碟嗰陣店員係將菠蘿包切成四件，可能呢個係較早少少嘅時間已經預備好，所以食落包質係比較乾身同唔算好軟熟！而冰鎮菠蘿油就完全唔同，因呢個菠蘿包係新鮮熱辣出爐，所以包質非常軟熟，頂層嘅菠蘿皮相當香甜鬆脆，熱辣辣嘅包，中間夾著塊厚厚兼冰凍嘅牛油一齊食，食落外熱內冷，感覺真係超正呀，所以我們就叫多兩個嚟食，而且他們仲會擺放埋膠手套畀人客戴著嚟食，真係相當貼心兼衛生呀！窩蛋免治牛肉飯係本人小時候最鍾意食嘅，但而家喺香港都無乜邊間茶餐廳會有得食，所以喺呢度見到有，當然要即刻叫嚟食啦，結果嚟到之後都無令我們失望，除咗唔係用青豆之外，基本上食落嘅味道，完全係童年嗰陣嘅味道，呢點係令本人覺得非常滿足，所以就食到一粒飯都無淨！艇仔粥嘅粥底煲得都幾綿，材料亦好足料豐富，至於牛肉碎牛肉，而係用鮮牛肉片，食落肉質好鮮嫩，豬皮亦好爽口彈牙！乾燒伊麵除咗唔係好乾身，感覺比較油膩之外，大至上都不過不失！滑蛋叉燒蝦仁嘅蛋炒到啱啱好兼仲有啲蛋漿，蝦仁亦好爽脆彈牙，至於叉燒就係最要讚嘅，因他們並唔係用啲隔咗夜兼好「硬實實」嗰啲，而係用新鮮鬆軟兼好蜜汁嘅，真係讚得一讚呀！香蒜炒芥蘭嘅芥蘭好爽脆幼嫩同無根，食落有好芳香嘅香蒜味！鮮茄牛肉通心粉嘅鮮茄湯底雖然味道唔係好濃郁，但勝在牛肉嘅份量比較多，而通心粉亦好煙韌彈牙！
继续阅读