影片
營業時間
今日營業
08:00 - 16:00
17:00 - 20:30
星期一至日
08:00 - 16:00
17:00 - 20:30
以上資料只供參考, 請與餐廳確認詳情
招牌菜
不時有新聞都講到香港酒樓執下又一間🥸亦留意到唔少老友記都由中茶改飲西茶。而係上兩個月前，小妹就首次疫後北上🐒體驗一下Sam's Club 人逼人外，仲搵到間茶樓，搵到部分香港舊時酒樓陣味！😋講緊係✨蘩樓✨， 相信唔少北上師奶蒲精都識佢，齋計深圳有8間分店，我今次之後前後去左📍華強北站 同 📍黃貝嶺站 食過，兩間一樣咁多人等。但華強北站會比較方便啲，出地鐵站右手邊轉彎就係🏃🏻♂️。而黃貝嶺站就要出地鐵站兜返去後面行，對住個高德地址要行8-11分鐘👩🏻🦯。野食方面，我兩次都叫咗🥚🥛大良雙皮奶(熱/凍)，入口滿滿香港舊式茶樓嘅雙皮奶味道，就連住新界嘅我，雙皮奶早已係我附近消聲匿跡，哩陣味令人好懷緬🥰！講完個highly recommend, 點心方面都係令人surprise 嘅！ 全部野係熱辣辣新鮮上格係基本野，每件點心嘅size 都係值得一讚，係比香港現時酒樓大啲嘅。慣咗上枱再自行碎上嘅朋友，夾開時明顯feel到！ 🔴🦐紅色外皮嘅千祈唔好以為佢係炸大腸，其實佢係蘩樓招牌菜黎嘅，叫香脆明蝦紅米腸。如果擔心排隊嘅，唔洗驚！因為佢同好多內地餐廳一樣係可以用📲美食平台預先排住隊先嘅！(所以我唔係好明門口成村人係真等位定當公園櫈坐…）。如果要你等超過30分鐘，餐廳仲會免費送你一籠🥠🥢五穀軟雜糧(望下籠野排到星星咁就係），哩樣野安排都係喺香港比較少見，但個人就麻麻，食得佢就變左食少籠點心，家下我個胃啲位真係好珍貴架，嗚嗚😢
繼續閱讀